كل ما تريد معرفته عن الأيلتس IELTS و كيفية اجتياز الأختبار في ثلاث خطوات فقط
ماهو الأيلتس IELTS
الأيلتس(IELTS) هو واحد من أهم وأشهر امتحانات اللغة الإنجليزية على مستوى العالم، شهادته معترف بيها من أغلب المؤسسات والجامعات العالمية إنك كده مؤهل للسفر والتحدث والعمل بالإنجليزية بالتالي بتفتحلك مجالات كتير في الدراسة أو السفر أو المنح أو التأشيرة.
دي تجميعة شاملة بالخطوات الرئيسية من البداية ومحددة بالوقت عن كل حاجة في الأيلتس وإزاي تذاكر ليه مجانا من على النت وتعدي منه في 3 خطوات فقط:
أمتحان الأيلتس IELTS عبارة عن 4 أجزاء:
الاستماع Listening
القراءة Reading
الكتابة Writing
التحدث Speaking
كيفية الأستعداد لأختبار الأيلتس IELTS ؟
هات ورقة وقلم وخش على القناة دي، إيما من بريطانيا عاملة مجموعة دروس للأيلتس، مش ببالغ لو قلتلك إن 80 % من الامتحان مبيخرجش منها بشهادة الناس اللي امتحنوا هناك وجابو درجات عالية فيه، (20 حلقة في 20 يوم)
بعد ما تخلص القناة اللي فوق خش على الموقع ده هتلاقي نماذج كاملة لل4 أجزاء اللي هتمتحن فيهم، بياخد بيك خطوة خطوة وبيوضحلك في كل جزء أهم التريكات اللي ممكن تقع فيها:(أسبوع)
مينفعش تدخل أي امتحان غير لما تكون حالل عليه عشرات النماذج قبل كده، الموقع ده عليه امتحانات أيلتس سابقة متقسمه وجاهزة للتحميل مجانا: والموقع ده بقى لذيذ جدا بيعمل محاكاه كأنك في الامتحان بالظبط وبتحل وبيصححلك الإجابات كمان ويقولك على درجاتك (تدرب عليهم في أسبوعين في شهر)
ال3 خطوات دول باتقان شديد وبعيدا عن زحمة اللينكات الكتيرة ومع مستوى متوسط في الإنجليزية هتقدر بإذن الله تعدي بيهم الامتحان.
مواعيد أختبارات الأيلتس و كيفية التقديم
الامتحان في أغلب محافظات مصر وفي كل الدول العربية، والمواعيد على مدار السنة لكن غالبا في آخر 4 شهورمن السنة، ودي فرصة كويسة علشان تلحق تجهز نفسك، هنا المواعيد بالتفصيل. اضغط هنا
شوف الميعاد اللي يناسبك وبعد كده هتملا نموذج التسجيل الإلكتروني، اضغط هنا
هو لازم أكون ممتاز في الإنجليزي علشان أعدي أختبار الأيلتس ؟
لا، أنا كنت فاكر كده، لكن اتضح إن المعلومة خاطئة، إنت محتاج تكون جيد فقط ومذاكر كويس لأهم أجزاء الأمتحان، مش لازم تبقى مولود في أمريكا وبتتتكلم زي الأمريكيين علشان تعديه، لأنه أصلا معمول لغير الدول الناطقة بالإنجليزية، في 2 مليون شخص بيقدمو ليه سنويا منهم مئات الآلاف من الناجحين، فالامتحان مش إعجازي أو مستحيل.
