كيف تكتب career objective بالسيرة الذاتية (مهم جدا ارجو القراءة)
كيف تكتب career objective بالسيرة الذاتية (مهم جدا ارجو القراءة)
دا اول شيء بيتكتب بعد الاسم و الايميل و رقم الهاتف ، لازم يكون مختصر ، قوي ، له معني باللغة الانجليزية و واضح فيه هدفك الوظيفي. انا هساعدك تكتبه صح ان شاء الله و هقولك الاخطاء الشائعة ايه علشان متعملهاش ، تعالوا نبدأ.
اصعب ما في الموضوع انك بتبقي لسا خريج و مفيش خبرة و صاحب الشركة او مدير الموارد البشرية عايز يكون معاك خبرة ، ممكن نكتب هدف وظيفي قوي يعبر عن شخص فاهم فعلا بيعمل ايه.
دي ممكن مثلا لمدرس و لكن هتكتب فيها التخصص طبعا و اسم المؤهل و لو معاك شهادات
A full-time teaching position in which extensive teaching experience, accredited certification and a bachelor's degree in education will be of value.
خالي بالك ان غلط جدا تستخدم I و my في السيرة الذاتية ، كدا مش هتبقي بشكل احترافي ابدا. كمان ابعد عن الجمل زي
a full-time challenging position
Looking for a rewarding position as a teacher
part-time position to give me experience
seeking a junior position in accounting
الجمل دي كدا من البداية تخلي اي شخص يقفل السيرة بتاعتك و يقول next ، تعبيرات زي challenging, rewarding and give me experience مش مكانها خالص هنا. اخر تعبير طبعا فيه مشكلة ، مفيش شركة عايزة واحد بيدور علي junior position و معندوش اي خبرة. مش لازم تركز علي عدم وجود خبرة و حاول تركز علي مؤهلك التعليمي و مهاراتك في المجال (يعني المفروض انت لو مدرس او محاسب مثلا هتذاكر كتب خارجية او تاخد دورات مثلا) ، تعالوا نكتب career object بشكل مختلف للمبرمجين مثلا
Graduate of Cairo University, Computer Science program, with an emphasis on programming and web development with
one year of training in ASP .NET, C# and CSS.
هنا الاسلوب مختلف و تقدر تستخدم مع اي مجال تاني بس تغير طبعا حاجات ، كمان قولنا graduate of وبعدها اسم الجامعة و اسم البرنامج الدراسي. تعالوا نشوف اسلوب تاني لخبير تسويق مثلا
A position as a marketing consultant with the ability to manage several different projects simultaneously and work on Search Engine Optimization would be of value.
هنا لو مش عارف هي Search Engine Optimization فرع ما بين تكنولوجيا المعلومات والتسويق ، بيدرسوا ازاي المواقع ممكن تبان علي محركات البحث في الصفحات الاولي و لها شغل رائع فعلا. نشوف واحدة تانية لطبيب مثلا
A medical doctor position with an accredited degree in medicine, seeking an opportunity, in a professoinal environment, that leverages experience and skills in medicine.
كمان واحدة لمدير
A managerial position with an Internet company. Administrative skills and planning abilities will be used to increase productivity and profitability.
اتمني تعجبكم المشاركة ،
