الفرق بين picture, photo and image

طبعا هما كلهم بمعني صورة ولكن في فرق بينهم ، اول حاجة photo اختصار ل photograph و دي صورة بكاميرا.
اما picture هي كلمة عامة لاي صورة سواء مرسومة بالرصاص او بالالوان او صورة بالكاميرا يعني صناعة بشرية، ولو هتسأل و تقولي ما عندنا drawing كمان هقولك ما هي picture كلمة عامة و لو عايز تحدد انها بالقلم هتقول drawing.
و image بقي معناها صورة برده ولكن هي صورة لشخص او شيء بتشوفها في مراية او في عدسة الكاميرا او علي التليفزيون و لها استخدمات كتيرة. ممكن تبقي صورة في عقلك و تقول عليها a mental image ، ممكن تبقي صورتك قدام الناس يعني انطباع الناس عنك.

I have a photo of my friend. هنا المعني انها صورة بكاميرا مش رسم
I can draw a picture of you هنا المعني اني ممكن ارسم لك صورة
there is an image in my mind of a perfect world
هنا بقول ان عندي صورة في عقلي عن عالم مثالي