ازاي تجتاز انترفيو كمتخصص فى السوشال ميديا ؟



الناس اللى بتسأل عن الانترفيو مش عايزك تزهق منى بس واحغظ البوست ده عندك خايف وانت رايح interviewعشان تشتغل Social Media ؟ مش عارف ايه اللى متوقع تتسأل فيه؟ لو انت صاحب up Start وعايز تجيب ناس تشتغل فى السوشيال ميديا ماركتنج وعايز تعرف هو ده الشخص المؤهل ولا لا؟ النهارده هكلمك بحكم ان انا كانت اللى بعمل interviewفى شركتين توليت اداره قسم Digital Marketing وكانت ببنى فريق والمسؤال عن ده يعنى من الاخر كده اعتبرينى HR_Digital Marketing على قدى وكمان كلامى مش شامل كله اكيد بس بحاول ولو بجزء بسيط انقلك خبرتى من خلال الكلام اللى جاى ده كلامى هيكون عباره نصائح ل HRونصائح لمتقدم على وظيفه Social Media يلا بينا ياصديقى نتكلم على الجزء الاول.... لو انت رايح interview ايه هى اهم النصائح؟ بص ياسيدى ... انت طبعا اكيد رايح وعندك خلفيات عن المجال ده ويفضل متروحيش interview الا لما تكون مذاكر كويس ازاى بقى اولا: انك لازم تكون على معرفه كامله بالمكان اللى انت رايح ليه ال interview وعارف اسمه وعملت ليه تحليل يعنى مثلا تعرف هل الناس دى عندها ويب سايت ولا لا؟ هل شغالين على كل قنوات Social Media ولا لآ ؟ ولو شغاليين ايه هى القنوات اللى شغاليين عليها وماهى مدى تفاعلهم على كل قناه ؟ ثانيا: بعد متعمل كل الاجابات اللى هتطلع بيها من الاسئله دى هيتفضل الجزء الاهم انك تكتب الكلام ده فى ورقه Word وتكون رايح بيه ال interview عشان تقدر ترد عليهم كويس ومش تسقط منك حاجه ويكتشفوا انك بتنسى او انك بتتكلم بشكل عشوائى ثالثا: لو انت ضعيف فى اللغه اقل الايمان تكون متعارف على المصطلحات فى مجال Digital Marketing وبلاش تقول مصطلح عربى بالله عليك لان فى ناس اول مبتشوف منك ده يبقى انت كده مرفوض لا محال رابعا: لازم تكون محضر خطه تسويقية ولو بشكل بسيط جدا عن المكان اللى انت رايح ليه مش بقولك خطه كامله على الاقل خطه فيها اهم النقاط يعنى من الاخر كده حط خطوط عريضه مش تحط تفاصيل طبعا(بحذرك من انك تعمل خطه كامله ادينى قولتلك) خامسا: لازم تكون مستعد لاهم سؤال هتتساله ويمكن ممكن هو اول سؤال اصلا انت اشتغلت فين قبل كده وايه اكتر نتائج حققتها؟ طبعا ده يخلينى ققولك ان لازم فعليا تشتغل فى اى مكان تطوعى ارمى نفسك فى اى تدريب مجانى لان ده بيزود ثقتك لما تيجى تجواب وخصوصا لو خلصت كورس Digital Marketing ومعرفتش تطبق فين ودى بتكون من اكتر الكواراث لاى حد بيخلص كورس ومش بيعرف يطبق وكانت اتكلمت ازاى تقدر تطبق بعد متخلص اى كورس ادخل على اللينك ده من هنا طبعا كل الكلام ده كوم وانك تكون عارف يعنى ايه ماركتنج كوم تانى خااااااااالص ونصيحتى ليك لو مش فاهم marketing متروحيش ال interview اصلا انا كده اتكلمت باختصار بسيط على اهم الحاجات اللى تعملها لو رايح ال interview طبعا هو فى كتير بس مش عايز اطول عليك وتزهق منى ولو ظبطت كلامى ده هيكون خطوه كبيره جدا فى interview خلينا بقى نروح للجزء التانى.. ازاى اقدر اعرف اللى جاى ده مؤهل فعلا وحد فاهم؟ بص ياسيدى الفاضل... اولا:انت يهمك شهادات ولا يهمك حد فاهم؟ لا اكيد حد فاهم صح.. يبقى بلاش نغمه شهاداتك وكورساتك لان مش ده الفاصل ركز معاه دايما على هو فاهم تسويق وحاول تعرف طريقه فكره فى التسويق ودى من خلال كذا طريقة وابسطهم لو سالته وقولتله ايه افكارك لو انت اللى ماسك المكان ده تسويق؟ ده ابسط الايمان ومن خلال كلامه هتقدر تحكم اذا كان واقعى ومناسب للواقع اللى انت فيه ولا لا , لان كانت بقابل ناس تقولى كلام خيال علمى وكلام واقع بس وواقع افتراضى مش موجود اصلا ثانيا: شوف ايه اللى يعرف يعمله فى مجال Digital Marketing بالظبط لان مجالنا تخصصاته كتيره وبلاش تجيب واحد بتاع كله لان اكتر واحد هيبوظ ليك الدنيا اللى بيقنعك انه بيعرف يعمل كل حاجه ده اوعى تفرح بالشخص ده ثالثا: حاول تعمل معاه تست من البيت لمده اسبوع اجمالى 3 ساعات يوميا وتشوف مدى الجديه لان اهم حاجه فى مجالنا الجدية والالتزام وخصوصا انك لو كشركه هتسيبه قاعد على جهاز طول ال shift بتاعه ومش هتعرف هو بيعمل ايه بالظبط ومش معنى ذلك ان المفروض على كل واحد يكون قاعد شغال طول فتره shift ده ؟؟ لا هفهمها ليك بمثال بسيط: كان عندى 2 شغاليين معايا فى الفريق واحد كان بيخلص التسكات بتاعتها فى ساعتين وطول الشفت فاتح الفيس والساوند كلاود وعمال يتفرج على فيديو من اليوتيوب ترفيهى ويكلم الناس على الشات وهكذا لحد اخر shift بتاعه واحد تانى يخلص التسك بتاعه فى ساعتين وبعد مايخلصه يفضل يدور على افكار تساعد شغله يطور بيها ويطلع ب4 افكار يوميا للشغل مع كمان كتابه تنفيذها ازاى بخطوات وصلت كده الفرق بين الاتنين؟ بكده انا خلصت معاكم بعض النصائح فى مجال ال Social Media لو رايح تعمل interview او العكس صحيح لو انت اللى هتعمل ال interview