الشرح ده مش هتلاقيه ولا في المكتبات

الشرح ده مش هتلاقيه ولا في المكتبات 👓📙

من الأخر كده في الإنجليزي بنعبر عن المستقبل بـ 7 طرق:
1- will (المستقبل البسيط)
الشهر اللي جاي هكمل 30سنة.
2- will be + V-ing ( المستقبل المستمر)
بكرا الساعة 5 -أنا وعمرو- هنكون بناكل (chickpea) بليلة عند محمود في البيت. ;)
3- will + have + P.P (المستقبل التام)
بكرا الساعة 6 هكون خلصت أكل بليلية ومشيت من عند محمود ! =D
4- will have been + V-ing ( المستقبل التام المستمر)
السنة اللي جاية هكون كملت 15 سنة شغل في الشركة اللي انا شغال فيها دلوقتي.
5- The present continuous (المضارع المستمر)
إيه يا صاحبي .. إنت معاك شغل في الشقة بتاعتك ولا ايه ..؟ أهو زي ما انت شايف بشطب فيها .. لا يا شيخ ههههههه انت ناوي تعملها !!!! وحياتك الشهر اللي جاي
""هتجوز الشهر اللي جاي"
6- The present simple (المضارع البسيط)
المباراة هتبدأ الساعة 9 م
7- be going to
الجو مغيم (ملبد بالغيوم) النهاردة .. حاسس انها هتمطر

على الرغم من ان المستقبل ليه 7 طرق للتعبير عنه .. إلا ان لكل طريقة مدلولها الخاص بيها يعني اقصد على حسب الجملة أو المقصود بتاعك اللي عاوز توصلة للشخص اللي بتتكلم معاه .. يعني كل طريقة من ال7 دول ليها استخدام معين ..
ومعانا أول طريقة للتعبير عن المستقبل وهي:
(WILL)

تعالو نشوف امتى بنستخدم Will
للتعبير عن المستقبل:
_______________________

التعبير عن المستقبل:-
علشان نعبر عن المستقبل ممكن نستخدم أكتر من طريقة زي:
(Will + Infinitive- Be going to – Present Continuous- Present Simple – Future Continuous- Future Perfect)
(المستقبل البسيط – be going to- المضارع المستمر – المضارع البسيط – المستقبل المستمر – المستقبل التام)

1- اننا نستخدم (Will)
***************************
ودي سهلة جدًا .. يعني لو حابب تتكلم او تعبر عن حقيقية في المستقبل ..تستخدم
(Will + infinitive)
مثال:
He will be thirty next month. =
يعني هو هيكون عنده 30 سنة الشهر اللي جاي ... وزي ما اهو واضح في المثال .. الجملة بتعبر عن حقيقية في المستقبل ..ولما بنتكلم او نحب نعبر عن حقيقة في المستقبل بنستخدم
Will + المصدر (مصدر الفعل يعني بدون اي إضافات) ..
يعني لو جابلي مثال في الامتحان زي ده(ده لو انت طالب ثانوي يعني) :
Nora is going to be sixteen next week.
وقالي - Find the mistake (يعني أوجد الخطأ)
then, correct the sentence - (يعني صحح الجملة)
هتعمل اييييييييييييه ..... ؟
.............................................................................................
أيون بالظبط كدا .. هتشيل كلمة going to is وهتحط بدالها كلمة will علشان احنا بنستخدم Will + المصدر لما بنتكلم عن حقيقية ثابته في المستقبل .... يلا اكتب بقى الجملة صحيحية مكان النقط اللي فوق دي ^_^
********************************************************************************
برضو بنستخدم Will والمصدر لما نتوقع أو نتبأ بحاجة في المستقبل – To predict events
مثلًا تخيل اننا مستنين حد يحضر معانا الحصة .. وأنا سألت .. هو فلان ده هيجي أمتى .. فواحد فيكم رد عليا وقالي .. هو هيجي بعد ساعة أو خلال ساعة .. أهو ده اسمه توقع أو تنبأ ..لأن الشخص اللي رد عليا .. مش متأكد إذا كان فلان ده هيجي ولا لأ ..بس هو بيتنبأ أو بيتوقع انه هيكون هنا خلال ساعة .. في الحالة دي نستخدم Will والمصدر ..يعني هنقول الجملة كالآتي:
He will arrive in an hour.
خد بالك ممكن في الامتحان يجيبلك سؤال زي ده ويقولك أوجد الخطأ وصحح الجملة:
I expect she isn't going to come late.
ومعنى الجملة = أنا بتوقع انها مش هتيجي متأخر ... طبعًا الجملة غلط ..تعرف ليــــه .... ؟
علشان احنا لما بنتوقع أو نتنبأ بحدوث شيء (حدث) في المستقبل بنستخدم Will + المصدر مش be + going to
علشان كدا الحل بتاع الجملة هيكون:
I expect she won't (will not) come late!
فيه (4) ملحوظات كدا عاوزك تاخد بالك منهم .. علشان في الامتحان (ده لو انت طالب ثانوي يعني ;) ) بيجيبلك أسئلة زي دي
عشان يتأكد من معرفتك تلك الملحوظات:

1- لما تلاقي في الجملة أفعال زي:
يعتقد = Think/Believe
يأمل/يتمنى = Hope
يتوقع = Expect
يفترض = Suppose
يعد (يعطي وعد) = Promise
يتنبأ = Predict
مع الأفعال دي على طول بنستخدم Will أو will not (won't)

تعالو نشوف أمثلة:
I expect that our team will lose the next match*
-أتوقع ان فريقنا هيخسر الماتش اللي جاي!!!
*I Think he will have an accident, he drives so fast.
-أعتقد انه هيعمل حادثة .. هو بيسوق بسرعة جدًا!
*Do you think tomorrow will be a nice day?
-تفتكر ان بكرا هيكون يوم حلو...؟
*I promise I'll keep you posted with the updates!
-أوعدك اني هعرفك بكل الأخبار (هبلغك بالجديد)!
*I hope she will come early tomorrow.
-أتمنى انها تيجي بدري بكرا.
*I can't believe you will turn down that job!
- أنا مش مصدق انك هترفض الوظيفة دي! (يرفض دعوة أو وظيفة معناها = turn down)
I predict that it will rain tomorrow.*
-أنا بتنبأ/أتوقع انها هتمطر بكرا.
*I suppose Tom will come early tomorrow.
أنا بفترض ان توم هيجي بدري بكرا.

2- بنستخدم Will أو will not (won't) بعد التعبيرات الآتية:
I'm sure – I'm afraid
تعالو نشوف أمثلة:
*I'm sure Ramy will solve his problem alone.
- أنا متأكد ان رامي هيحل مشكلته مع نفسه (يعني بدون تدخل أو مساعدة من حد).
*I'm afraid I will not (won't) go to the party tonight.
- أنا متأسف مش هقدر أروح الحفلة الليلة.

3- كمان بنستخدم Will أو Will not (won't) مع الظروف الآتية:
بالتأكيد = Certainly
من الممكن = Possibly
من المحتمل = probably
ربما = Perhaps
تعالو نشف أمثلة .. علشان نثبت المعلومة:
*Perhaps we will visit Luxor next week.
-ربما سنزور الأقصر الأسبوع القادم.
*Possibly the exams will be in May.
-ممكن الإمتحانات تكون في شهر (5) مايو.
Certainly we will pass the exam, if we study hard.*
-بكل تأكيد سنجتاز الإمتحان إن ذاكرنا جيدًا.
*Probably we will lose the match because of the bad weather.
-احتمال نخسر الماتش بسبب الطقس السيء.

4- بنستخدم Will والمصدر لو جاء بعد الروابط الآتية مضارع بسيط:
(If – unless- after – before- when- as soon as- until)
يعني أي رابط من دول (سواء كان في نص الجملة أو في أولها) جه وراه مضارع بسيط ... في الجزء التاني من الجملة بنستخدم Will... تعالو نشوف أمثلة:
*We will enjoy the journey if you come with us.
-هنستمتع بالرحلة لو جيت معانا.
لو لاحظت في الجملة السابقة هتلاقي ان بعد الرابط (if) جه مضارع بسيط ... علشان كدا استخدمنا will في أول الجملة ... طيب فلنفترض ان الجملة بدأت بـ if ....؟ ...... ولا أي اندهاش ^_^ عادي خالص برضو هنستخدم Will والمصدر في جزء الجملة التاني ... تعالو نشوف مثال:
If you come with us, we will enjoy the journey.*
-لو جيت معانا، هتسمتع بالرحلة.
*I will go to bed as soon as the film ends.
-هروح انام أول ما الفيلم يخلص.
I won't (will not) go out until the film ends.*
- مش هطلع برا البيت غير لما أخلص الفيلم.
*Unless the film ends, I won't go out.
-لو لم ينتهي الفيلم .. لن أخرج من المنزل.
*I will go out after the film ends.
*I will watch the film before I go out.
*When I come home, I will call you.
- لما اوصل البيت هكلمك.
*******************************************************************************
بنستخدم Will والمصدر لما بناخد قرار سريع وقت الكلام:
زي مثلًا واحد بيقولك تشرب ايه .. فانت بسرعة كدا بترد .أنا هاخد عصير برتقال:
*I'll have some orange juice, please.
********************************************************************************
بنستخدمها لما بنعرض حاجة أو خدمة لحد:
*I'll open the door for you.
هفتحلك الباب (يعني انت بتعرض خدمة لواحد عجوز مثلًا-إنك هتفتحله الباب)
********************************************************************************
لما نطلب من حد (بطريقة مهذبة) ان يعملنا أو يقدملنا خدمة:
*Will you type this letter for me, please.
ممكن تكتبلي الجواب ده لو سمحت؟!
*******************************************************************************
بنستخدمها لما نعمل ترتيبات ..إنك تظبط أو ترتب مقابلة أو ميعاد مع حد:
*I'll meet him tomorrow.
*******************************************************************************
إنك تعمل تهديد أو تهدد حد:
*If you don't stop making noise, I will punish you!
-لو مبطلتش دوشة هعاقبك (هضربك).
فاستخدام will هنا بيدل على التهديد والوعيد
*******************************************************************************
بنستخدمها لما نعمل وعد ..يعني نوعد حد بحاجة:
*I'll buy you a present if you win the race.
***********************************************************************
بنستخدمها لما نعمل تحذير .. يعني نحذر حد من حاجة ... :
*Take care when you use a knife or you will cut yourself.

وبكدا يكون خلصنا من أول طريقة للتعبير عن المستقبل =D
انتظروا باقي الشروحات لدرس المستقبل في البوستات القادمة إن شاء الله!